शिक्षक

तुम्ही होतात म्हणून शिक्षित झालो 

कधी छडीचा मार खाल्ला

 आणि तुम्ही वटारलेल्या डोळ्यात अख्खे पुस्तक वाचिले

तुम्ही होतात म्हणून

वर्ण शिकले

तुम्ही होतात म्हणूनच

 वेडयावाकडया रेषांचे चित्र बनले

तुम्ही होतात म्हणून

जग वाचले 

आणि तुम्ही होतात म्हणूनच

जमिनीवर घट्ट पाय रोवून उभे राहिलो

तुम्ही होतात म्हणून

विवेकी आणि सृजन झालो

आणि तुम्ही होतात म्हणूनच सामान्यातही आम्ही

असामान्य बनलो

                          Written by me

                           रुपाली सोनवणे